Landøyda blømer no på denne tida, og ei plante kan ha opp til 2000 frø. Frøa frå landøyda er spirevillige på jordoverflata, og kan ligge spiredyktige i jorda i lengre enn 10 år. Planta blømer i juli-september. Første året set den ein bladrosett, medan frøstenglane kjem år to.
Spreier seg raskt
Kvart år brukar gardbrukarane mange dagsverk på å halde planta vekke frå beite. Men likevel spreiar den seg langs vegar og andre udyrka områder, også i bebygde områder. Dersom dyra får den i seg, kan den gje leverskader og død.
Bli med og fjerne
Fleire kommunar oppmodar deg nå til å vere merksam på planta og å fjerne den frå eigedomen og andre nærområde. På denne tida hjelper ikkje kjemisk bekjemping (sprøyting). No må planta bli dradd opp og lagt i restavfall for å bli kvitt frøa. Bruk gjerne hanskar.
Ved større mengder enn kva restavfallsdunken har plass til, kan privatpersonar også levere gratis i gjennomsiktige avfallssekkar til Setesdal miljø og gjenvinning sine miljøstasjonar. Det må bli levert som spesialavfall. Treng dykk avfallssekkar til føremålet er det berre å ta kontakt med Setesdal miljø og gjenvinning på telefonnummer 37 93 00 40.
Nettsida til Setesdal miljø og gjenvinning finn du her:
Setesdal Miljø & Gjenvinning IKS
Bekjemp planten landøyda! (Statsforvalteren i Agder)
Faktaark om Landøyda (NLR Rogaland)
Informasjon om Landøyda (NIBIO Plantevernleksikonet)